(Unicode)

ဗုဒ္ဓဟူးနေ့ အိန္ဒိယနိုင်ငံ ဂါယာအပြည်ပြည်ဆိုင်ရာလေဆိပ်၌ ရန်ကုန်မြို့သို့ ထွက်ခွာမည့် ခရီးသည်များအနက် မြန်မာနိုင်ငံသား ၂၂-ဦးတို့ကို အိန္ဒိယလူဝင်မှုကြီးကြပ်ရေးအာဏာပိုင်များက ဖမ်းဆီးထိန်းသိမ်းခဲ့ရာ ၎င်းတို့မှာ လွန်ခဲ့သည့် မတ်လက နယူးဒေလီမြို့ရှိ နီဇာမတ်ဒင်တွင် ကျင်းပသော “ တဗ်လိုက်ဂျာမာ့သ် “ ဘာသာရေးစုရုံးပွဲသို့ တက်ရောက်ခဲ့ကြောင်း စွပ်စွဲခြင်းခံရသူများဖြစ်သည်ဟု အိန္ဒိယအခြေစိုက် Hindustan Times က ယနေ့ရေးသားထားသည်။

အဆိုပါ မြန်မာနိုင်ငံသားများသည် (ကိုရိုနာဗိုင်းရပ်စ် ကာကွယ်တားဆီးရေး) ဒေလီရဲတပ်ဖွဲ့၏ LOC ခေါ် “ စောင့်ကြည့်ဧရိယာ “ အတွင်း အသွားအလာဆိုင်းငံ့ထားခြင်းကို ချိုးဖောက်သဖြင့် ယခုကဲ့သို့ ဖမ်းဆီးရခြင်းဖြစ်ကြောင်း၊ ဒေလီရဲတပ်ဖွဲ့ထံသို့ အကြောင်းကြားထားပြီး လိုအပ်သလို ဆက်လက်အရေးယူဆောင်ရွက်သွားမည်ဖြစ်ကြောင်း၊ ၎င်းတို့သည် ကြိုတင်ဘွတ်ကင်လုပ်ထားသော မြန်မာအမျိုးသားလေကြောင်းလိုင်းပိုင် ကယ်ဆယ်ကူညီရေး လေယာဉ်ပေါ်သို့ တက်ရောက်မည့်ဆဲဆဲတွင် ဖမ်းဆီးခံခဲ့ရခြင်းဖြစ်ကြောင်း သိရှိရသည်။



လူဝင်မှုကြီးကြပ်ရေးဌာနမှ သတင်းရင်းမြစ်များအရ ၎င်းလေယာဉ်ဖြင့် လိုက်ပါမည့် မြန်မာနိုင်ငံသားအားလုံးတို့သည် ခိုးလ်ကတ္တားမှ ဂါယာသို့ရောက်ရှိလာခဲ့သူများဖြစ်ကြောင်း၊ ခရီးသည် ၁၀၄ ဦး လိုက်ပါလျှက် ဂါယာမှ ရန်ကုန်သို့ အထူးခရီးစဉ်အဖြစ် ပျံသန်းရန် စီစဉ်ထားကြောင်း၊ မထွက်ခွာမီ ခြောက်နာရီအလိုတွင် ဂါယာလူဝင်မှု ကြီးကြပ်ရေးဌာနက ရရှိသည့် ခရီးသည်အားလုံး၏ အသေးစိတ်အချက်အလက်များအရ ၂၂-ဦးမှာ ဒေလီရဲတပ်ဖွဲ့၏ LOCs နှင့် သက်ဆိုင်နေသူများဖြစ်သည်ကို တွေ့ရှိရကြောင်း၊ ၎င်းတို့အား ဖမ်းဆီးစစ်ဆေးနေစဉ် အထူးလေယာဉ်မှာ ကျန်ခရီးသည် ၈၂ ဦးနှင့် ထွက်ခွာပျံသန်းသွားခဲ့ကြောင်း သိရှိရသည်။



ညနေ ၁ နာရီ ၃၀ ဝန်းကျင်တွင် ဂါယာလေဆိပ်၌ ကြားဖြတ် ဖမ်းဆီးခံရသူ ၂၂ ယောက်တို့အား ဗဟိုရဲလက်နက်ကိုင်တပ်ဖွဲ့ CISF သို့ လွှဲပြောင်းပေးခဲ့ပြီးဖြစ်ကြောင်း၊ ဒေလီရဲတပ်ဖွ့ဲကလည်း ၎င်း ၂၂-ဦးတို့ကို ရှာဖွေနေသည်ဟု သိရှိရကြောင်း၊ ဂါယာယူနီယံ ပြည်ထဲရေးဝန်ကြီးဌာနမှ သတင်းရင်းမြစ်များအရ မြန်မာနိုင်ငံသား (၂၂) ဦးတို့သည် မြန်မာ အစိုးရစီစဉ်သော အကူအညီပေးရေး အထူးလေယာဉ်ဖြင့်ထွက်ခွာရန် ကြိုးစားခဲ့ခြင်းဖြစ်ကြောင်း၊ ယခုကဲ့သို့ ဗီဇာစည်းကမ်းချိုးဖောက် သည့် နိုင်ငံခြားသားများအား အရေးယူမည်ကို ဝန်ကြီးဋ္ဌာန၏ သတင်းထုတ်ပြန်ချက်၌ ဖော်ပြထားပြီးဖြစ်ကြောင်း၊ နိုင်ငံခြားသားအက်ဥပဒေအပြင် Covid-19 ရောဂါ ကူးစက်မှုနှင့်ပတ်သက်၍ အစိုးရညွှန်ကြားချက်များအား ချိုးဖောက်သည့်အတွက် သဘာဝ ဘေးအန္တရာယ် စီမံခန့်ခွဲမှုအက်ဥပဒေအရ အရေးယူမည်ဖြစ်ကြောင်း သတင်း၌ ဆက်လက်ဖော်ပြသည်။

(အာရှနိုင်ငံတို့တွင် ကျင်းပခဲ့သည့် “ တဗ်လိုက်ဂျမားသ် “ အစ္စလာမ်သာသာရေးစုရုံးမှုမှ လူအမြောက်အများသို့ ကိုရိုနာဗိုင်းရပ်စ်ကူးစက်ခဲ့ရာ မလေးရှားနှင့် အိန္ဒိယတို့တွင် တစ်ရက်အတွင်း ရောဂါကူးစက်သူ အရေအတွက် ရာနှင့်ချီလျှက် ရုတ်ချည်း မြင့်တက်ခဲ့ရသည်။

ဖေဖော်ဝါရီ – ၂၇ မှ မတ်လ ၁-ရက်နေ့ထိ မလေးရှားနိုင်ငံတွင် ကျင်းပသည့် “ ဂျိုရ် “ ခေါ် ဘာသာရေးစုဝေးမှုတွင် စင်္ကာပူနှင့် ဘရူးနိုင်းနိုင်ငံသားများအပါအဝင် “ ဂျမာသ်သား ” ၁၆,၀၀၀ – ဦးကျော် တက်ရောက်ခဲ့သည်။ မတ်လ-၁၅ ရက်နေ့ အထိ မလေးရှားနိုင်ငံတွင်တွေ့ရှိရသည့် ကိုရိုနာဗိုင်းရပ်စ်စွဲကပ်လျှက်ရှိသူ စုစုပေါင်း ၄၂၈-ဦးတွင် ၂၄၃-ဦးမှာ အဆိုပါစုဝေးမှုနှင့်ဆက်နွယ်လျှက်ရှိသည်ကို တွေ့ရှိရကြောင်း မလေးရှားအခြေစိုက် Economic Times က (မတ်-၁၅၊ ၂၀၂၀ နေ့ ရေးသားသည်။



ထိုနောက် မတ် ၁၈-ရက်နေ့ မလေးရှားတွင် သွားလာလှုပ်ရှားမှု့ကန့်သတ်ခြင်းအမိန့် (MCO) ထုတ်ပြန်ခဲ့သည်။ ၎င်းရက်တွင် ရောဂါပိုးကူးစက်ခံရသူ ၆၇၃-ဦး ရှိခဲ့ရာမှာ ယမန်နေ့ ၃,၀၀၀ အရေအတွက်အထိ ၅-ဆကျော် တိုးလာခြင်းဟု ဆိုရပါမည်။

ဆီရီပီတာလန်ဂျမာ့ခ်ဗလီတွင် ကျင်းပသည့် တဗ်လိုက် ဘာသာရေးစုရုံးပွဲသို့ တက်ရောက်ခဲ့သူ ၁၇,၀၁၂-ဦးလုံးကို မလေးရှားအစ္စလာမ် ရှရူရာကောင်စီအကူအညီဖြင့် ကောင်းစွာ ခြေရာခံတွေ့ရှိခဲ့ကြောင်း မလေးရှား ကျန်းမာရေးအာဏာပိုင်များက ဆိုပါသည်။

မလေးရှားကဲ့သို့ ၂၄-နာရီအတွင်း ကူးစက်-သေဆုံးဦးရေ ရုတ်တရက်မြင့်တက်ပြီး တစ်ရက်တည်း လူ ၉,၀၀၀ ခန့် ရောဂါခြေချုပ်ချရသည့် နိုင်ငံမှာ အိန္ဒိယဖြစ်၍ အလားတူပင် ဒေလီမြို့အနီးရှိ “တဗ်လိုက်ဂျမာ့ခ် ” ဋ္ဌာနချုပ်တွင်ကျင်းပသည့် ဘာသာရေးဆုတောင်းပွဲနှင့် ဟောပြောပွဲသို့ တက်ရောက်ခဲ့သူများးနှင့် ဆက်နွယ်ကြောင်း ဘင်္ဂလားအခြေစိုက် Dhaka Tribune က (ဧပြီ- ၀၂၊ ၂၀၂၀) ရေးသားပါသည်။



အဆိုပါ ဘာသာရေးစုဝေးပွဲသို့ တက်ရောက်ခဲ့သူ ဂျမာသ်သား ” ၂,၀၀၀ – ကျော်ကို ဖော်ထုတ်နိုင်ခဲ့ပြီး ၎င်းတို့ နှင့် ဆက်နွယ်သူ ၉,၀၀၀ ခန့်ရှိမည်ဟု ထိုစဉ်က ခန့်မှန်းထားသည်။

ဒေလီရှိ တဗ်လိုက်အဆောင်ခန်းများတွင် တည်းခိုသော ဘင်္ဂလားဒက်ရှ်၊ အင်ဒိုနီးရှားနှင့်မလေးရှား အပါအဝင် လူပေါင်း ၂,၃၀ဝ ခန့်ကို ရက်အနည်းငယ်အတွင်း မြို့ရှိ ကွာရန်တင်း စင်တာများသို့ ပြောင်းရွှေ့ခဲ့ရကြောင်း ယခင်ဒေသတွင်း နိုင်ငံတကာသတင်းများ၌ တွေ့ရှိရသည်။)

Htay Oung (Oung Marine)

(Zawgyi)

ဗုဒၶဟူးေန႔ အိႏၵိယႏိုင္ငံ ဂါယာအျပည္ျပည္ဆုိင္ရာေလဆိပ္၌ ရန္ကုန္ျမိဳ႔သို႔ ထြက္ခြာမည့္ ခရီးသည္မ်ားအနက္ ျမန္မာႏိုင္ငံသား ၂၂-ဦးတို႔ကို အိႏၵိယလူဝင္မႈႀကီးၾကပ္ေရးအာဏာပိုင္မ်ားက ဖမ္းဆီးထိန္းသိမ္းခဲ့ရာ ၄င္းတို႔မွာ လြန္ခဲ့သည့္ မတ္လက နယူးေဒလီျမိဳ႔ရွိ နီဇာမတ္ဒင္တြင္ က်င္းပေသာ “ တဗ္လိုက္ဂ်ာမာ့သ္ “ ဘာသာေရးစုရံုးပြဲသို႔ တက္ေရာက္ခဲ့ေၾကာင္း စြပ္စြဲျခင္းခံရသူမ်ားျဖစ္သည္ဟု အိႏၵိယအေျခစိုက္ Hindustan Times က ယေန႔ေရးသားထားသည္။

အဆိုပါ ျမန္မာႏိုင္ငံသားမ်ားသည္ (ကိုရိုနာဗိုင္းရပ္စ္ ကာကြယ္တားဆီးေရး) ေဒလီရဲတပ္ဖြဲ႔၏ LOC ေခၚ “ ေစာင့္ၾကည့္ဧရိယာ “ အတြင္း အသြားအလာဆိုင္းငံ့ထားျခင္းကို ခ်ဳိးေဖာက္သျဖင့္ ယခုကဲ့သို႔ ဖမ္းဆီးရျခင္းျဖစ္ေၾကာင္း၊ ေဒလီရဲတပ္ဖြဲ႔ထံသို႔ အေၾကာင္းၾကားထားျပီး လိုအပ္သလို ဆက္လက္အေရးယူေဆာင္ရြက္သြားမည္ျဖစ္ေၾကာင္း၊ ၄င္းတို႔သည္ ၾကိဳတင္ဘြတ္ကင္လုပ္ထားေသာ ျမန္မာအမ်ိဳးသားေလေၾကာင္းလိုင္းပိုင္ ကယ္ဆယ္ကူညီေရး ေလယာဥ္ေပၚသို႔ တက္ေရာက္မည့္ဆဲဆဲတြင္ ဖမ္းဆီးခံခဲ့ရျခင္းျဖစ္ေၾကာင္း သိရွိရသည္။



လူ၀င္မႈႀကီးၾကပ္ေရးဌာနမွ သတင္းရင္းျမစ္မ်ားအရ ၄င္းေလယာဥ္ျဖင့္ လိုက္ပါမည့္ ျမန္မာနိုင္ငံသားအားလုံးတို႔သည္ ခိုးလ္ကတၱားမွ ဂါယာသို႔ေရာက္ရွိလာခဲ့သူမ်ားျဖစ္ေၾကာင္း၊ ခရီးသည္ ၁၀၄ ဦး လိုက္ပါလွ်က္ ဂါယာမွ ရန္ကုန္သို႔ အထူးခရီးစဥ္အျဖစ္ ပ်ံသန္းရန္ စီစဥ္ထားေၾကာင္း၊ မထြက္ခြာမီ ေျခာက္နာရီအလိုတြင္ ဂါယာလူဝင္မႈ ႀကီးၾကပ္ေရးဌာနက ရရွိသည့္ ခရီးသည္အားလုံး၏ အေသးစိတ္အခ်က္အလက္မ်ားအရ ၂၂-ဦးမွာ ေဒလီရဲတပ္ဖြဲ႔၏ LOCs ႏွင့္ သက္ဆိုင္ေနသူမ်ားျဖစ္သည္ကို ေတြ႔ရွိရေၾကာင္း၊ ၄င္းတို႔အား ဖမ္းဆီးစစ္ေဆးေနစဥ္ အထူးေလယာဥ္မွာ က်န္ခရီးသည္ ၈၂ ဦးႏွင့္ ထြက္ခြာပ်ံသန္းသြားခဲ့ေၾကာင္း သိရွိရသည္။



ညေန ၁ နာရီ ၃၀ ဝန္းက်င္တြင္ ဂါယာေလဆိပ္၌ ၾကားျဖတ္ ဖမ္းဆီးခံရသူ ၂၂ ေယာက္တို႔အား ဗဟိုရဲလက္နက္ကိုင္တပ္ဖြဲ႔ CISF သို႔ လႊဲေျပာင္းေပးခဲ့ျပီးျဖစ္ေၾကာင္း၊ ေဒလီရဲတပ္ဖြ႔ဲကလည္း ၄င္း ၂၂-ဦးတို႔ကို ရွာေဖြေနသည္ဟု သိရွိရေၾကာင္း၊ ဂါယာယူနီယံ ျပည္ထဲေရး၀န္ႀကီးဌာနမွ သတင္းရင္းျမစ္မ်ားအရ ျမန္မာနိုင္ငံသား (၂၂) ဦးတို႔သည္ ျမန္မာ အစိုးရစီစဥ္ေသာ အကူအညီေပးေရး အထူးေလယာဥ္ျဖင့္ထြက္ခြာရန္ ႀကိဳးစားခဲ့ျခင္းျဖစ္ေၾကာင္း၊ ယခုကဲ့သို႔ ဗီဇာစည္းကမ္းခ်ိဳးေဖာက္ သည့္ ႏိုင္ငံျခားသားမ်ားအား အေရးယူမည္ကို ၀န္ၾကီး႒ာန၏ သတင္းထုတ္ျပန္ခ်က္၌ ေဖာ္ျပထားျပီးျဖစ္ေၾကာင္း၊ နိုင္ငံျခားသားအက္ဥပေဒအျပင္ Covid-19 ေရာဂါ ကူးစက္မွဳႏွင့္ပတ္သက္၍ အစိုးရညႊန္ၾကားခ်က္မ်ားအား ခ်ိဳးေဖာက္သည့္အတြက္ သဘာဝ ေဘးအႏၲရာယ္ စီမံခန႔္ခြဲမႈအက္ဥပေဒအရ အေရးယူမည္ျဖစ္ေၾကာင္း သတင္း၌ ဆက္လက္ေဖာ္ျပသည္။

(အာရွႏိုင္ငံတို႔တြင္ က်င္းပခဲ့သည့္ “ တဗ္လိုက္ဂ်မားသ္ “ အစၥလာမ္သာသာေရးစုရံုးမွဳမွ လူအေျမာက္အမ်ားသို႔ ကိုရိုနာဗိုင္းရပ္စ္ကူးစက္ခဲ့ရာ မေလးရွားႏွင့္ အိႏၵိယတို႔တြင္ တစ္ရက္အတြင္း ေရာဂါကူးစက္သူ အေရအတြက္ ရာႏွင့္ခ်ီလွ်က္ ရုတ္ခ်ည္း ျမင့္တက္ခဲ့ရသည္။

ေဖေဖာ္၀ါရီ – ၂၇ မွ မတ္လ ၁-ရက္ေန႔ထိ မေလးရွားႏိုင္ငံတြင္ က်င္းပသည့္ “ ဂ်ဳိရ္ “ ေခၚ ဘာသာေရးစုေ၀းမွဳတြင္ စကၤာပူႏွင့္ ဘရူးႏိုင္းႏိုင္ငံသားမ်ားအပါအ၀င္ “ ဂ်မာသ္သား ” ၁၆,၀၀၀ – ဦးေက်ာ္ တက္ေရာက္ခဲ့သည္။ မတ္လ-၁၅ ရက္ေန႔ အထိ မေလးရွားႏိုင္ငံတြင္ေတြ႔ရွိရသည့္ ကိုရိုနာဗိုုင္းရပ္စ္စြဲကပ္လွ်က္ရွိသူ စုစုေပါင္း ၄၂၈-ဦးတြင္ ၂၄၃-ဦးမွာ အဆိုပါစုေ၀းမွဳႏွင့္ဆက္ႏြယ္လွ်က္ရွိသည္ကို ေတြ႔ရွိရေၾကာင္း မေလးရွားအေျခစိုက္ Economic Times က (မတ္-၁၅၊ ၂၀၂၀ ေန႔ ေရးသားသည္။



ထိုေနာက္ မတ္ ၁၈-ရက္ေန႔ မေလးရွားတြင္ သြားလာလွဳပ္ရွားမွဳ႔ကန္႔သတ္ျခင္းအမိန္႔ (MCO) ထုတ္ျပန္ခဲ့သည္။ ၄င္းရက္တြင္ ေရာဂါပိုးကူးစက္ခံရသူ ၆၇၃-ဦး ရွိခဲ့ရာမွာ ယမန္ေန႔ ၃,၀၀၀ အေရအတြက္အထိ ၅-ဆေက်ာ္ တိုးလာျခင္းဟု ဆိုရပါမည္။

ဆီရီပီတာလန္ဂ်မာ့ခ္ဗလီတြင္ က်င္းပသည့္ တဗ္လိုက္ ဘာသာေရးစုရံုးပြဲသို႔ တက္ေရာက္ခဲ့သူ ၁၇,၀၁၂-ဦးလံုးကို မေလးရွားအစၥလာမ္ ရွရူရာေကာင္စီအကူအညီျဖင့္ ေကာင္းစြာ ေျခရာခံေတြ႔ရွိခဲ့ေၾကာင္း မေလးရွား က်န္းမာေရးအာဏာပိုင္မ်ားက ဆိုပါသည္။

မေလးရွားကဲ့သို႔ ၂၄-နာရီအတြင္း ကူးစက္-ေသဆံုးဦးေရ ရုတ္တရက္ျမင့္တက္ျပီး တစ္ရက္တည္း လူ ၉,၀၀၀ ခန္႔ ေရာဂါေျခခ်ဳပ္ခ်ရသည့္ ႏိုင္ငံမွာ အိႏၵိယျဖစ္၍ အလားတူပင္ ေဒလီျမိဳ႔အနီးရွိ “တဗ္လိုက္ဂ်မာ့ခ္ ” ႒ာနခ်ဳပ္တြင္က်င္းပသည့္ ဘာသာေရးဆုေတာင္းပြဲႏွင့္ ေဟာေျပာပြဲသို႔ တက္ေရာက္ခဲ့သူမ်ားးႏွင့္ ဆက္ႏြယ္ေၾကာင္း ဘဂၤလားအေျခစိုက္ Dhaka Tribune က (ဧျပီ- ၀၂၊ ၂၀၂၀) ေရးသားပါသည္။



အဆိုပါ ဘာသာေရးစုေ၀းပြဲသို႔ တက္ေရာက္ခဲ့သူ ဂ်မာသ္သား ” ၂,၀၀၀ – ေက်ာ္ကို ေဖာ္ထုတ္ႏိုင္ခဲ့ျပီး ၄င္းတို႔ ႏွင့္ ဆက္ႏြယ္သူ ၉,၀၀၀ ခန္႔ရွိမည္ဟု ထိုစဥ္က ခန္႔မွန္းထားသည္။

ေဒလီရွိ တဗ္လိုက္အေဆာင္ခန္းမ်ားတြင္ တည္းခိုေသာ ဘဂၤလားဒက္ရွ္၊ အင္ဒိုနီးရွားနွင္ ့မေလးရွား အပါအဝင္ လူေပါင္း ၂,၃၀ဝ ခန္႔ကို ရက္အနည္းငယ္အတြင္း ျမိဳ႔ရွိ ကြာရန္တင္း စင္တာမ်ားသို႔ ေျပာင္းေရႊ႔ခဲ့ရေၾကာင္း ယခင္ေဒသတြင္း ႏိုင္ငံတကာသတင္းမ်ား၌ ေတြ႔ရွိရသည္။)

Htay Oung (Oung Marine)

Post a Comment

Previous Post Next Post