(Unicode)

ဝေါမြို့နယ်တွင် အိမ်ပေါ်ထိတက်ပြီး ကာယိန္ဒြေပျက်အောင် ကြံစည်သူကို အမျိုးသမီးက ဝါးလုံးဖြင့်ရိုက်ရာမှ အသက်သေဆုံး

ဝေါမြို့နယ်တွင် အိပ်ပျော်နေသူ အမျိုးသမီးတစ်ဦး၏ အိမ်ပေါ်သို့တက်ကာ ကာယိန္ဒြေပျက်အောင် ကြံစည်သူကို အဆိုပါအမျိုးသမီးက ဝါးလုံးဖြင့် ရိုက်ရာမှ သေဆုံးခဲ့မှုကို ယနေ့ မေလ ၁၀ ရက်နေ့တွင် အမှုဖွင့်အရေးယူထားသည်။

ဖြစ်စဉ်မှာ မေလ ၉ ရက်နေ့ ညနေ ၃ နာရီ မိနစ်၂၀ အချိန်တွင် ဝေါမြို့၊ ကန်တော်ရပ်ကွက်၊ ဇနကလမ်းမပေါ်၌ လူတစ်ဦးဒဏ်ရာများဖြင့် လဲကျ နေကြောင်း သတင်းအရ ရပ်ကွက်အုပ်ချုပ်ရေးမှူး ဦးရဲမောင်မောင်မြင့်က သွားရောက်စစ်ဆေးခဲ့သည်။

အဆိုပါနေရာတွင် အမျိုးသားတစ်ဦး ခေါင်းငယ်ထိပ် သွေးထွက် နာကျင်ဒဏ်ရာဖြင့် လဲကျနေသည်ကို တွေ့ရသဖြင့် ဝေါပြည်သူ့ဆေးရုံသို့ ပို့အပ်ခဲ့သည်။

ရဲတပ်ဖွဲ့၏ စုံစမ်းချက်အရ ဒဏ်ရာရရှိသူ အမျိုးသားမှာ ကန်တော်ရပ်ကွက်နေ မအေးအေးသိန်း (၃၅) နှစ်၏ နေအိမ်ပေါ်သို့ တက်ရောက်ပြီး မအေးအေးသိန်းကို ကာယိန္ဒြေပျက်ပြားအောင် ပြုလုပ်သဖြင့် ယင်းအမျိုးသမီးက နေအိမ်အတွင်းရှိ အရှည်သုံးပေခန့် လုံးပတ်၂ လက်မခွဲခန့် အရွယ် ဝါးလုံးပိုင်းဖြင့် ရိုက်ခဲ့ခြင်းဖြစ်ကြောင်း စစ်ဆေးပေါ်ပေါက်ခဲ့သည်။

ထိုသို့ ရိုက်နှက်ပြီးနောက် ၎င်းအမျိုးသားမှာ ထွက်ပြေးသွားခဲ့ကြောင်း အဆိုပါရပ်ကွက်နေ အသက် ၄၅ နှစ်အရွယ် အမျိုးသမီး၏ ပြောပြချက်အရ သိရှိရသောကြောင့် မအေးအေးသိန်းကို အရေးယူပေးရန် တိုင်ကြားခဲ့သည်။

ဝေါမြို့မရဲစခန်းက (ပ) ၁၁၆/၂၀၂၀၊ ရာဇသတ်ကြီး ပုဒ်မ ၃၂၅ အရ အမှုဖွင့် အရေးယူခဲ့သည်။

Source – မြန်မာတိုင်းမ်

(Zawgyi)

ေဝါၿမိဳ႕နယ္တြင္ အိမ္ေပၚထိတက္ၿပီး ကာယိေျႏၵပ်က္ေအာင္ ႀကံစည္သူကို အမ်ိဳးသမီးက ဝါးလုံးျဖင့္႐ိုက္ရာမွ အသက္ေသဆုံး

ေဝါၿမိဳ႕နယ္တြင္ အိပ္ေပ်ာ္ေနသူ အမ်ိဳးသမီးတစ္ဦး၏ အိမ္ေပၚသို႔တက္ကာ ကာယိေျႏၵပ်က္ေအာင္ ႀကံစည္သူကို အဆိုပါအမ်ိဳးသမီးက ဝါးလုံးျဖင့္ ႐ိုက္ရာမွ ေသဆုံးခဲ့မႈကို ယေန႔ ေမလ ၁၀ ရက္ေန႔တြင္ အမႈဖြင့္အေရးယူထားသည္။

ျဖစ္စဥ္မွာ ေမလ ၉ ရက္ေန႔ ညေန ၃ နာရီ မိနစ္၂၀ အခ်ိန္တြင္ ေဝါၿမိဳ႕၊ ကန္ေတာ္ရပ္ကြက္၊ ဇနကလမ္းမေပၚ၌ လူတစ္ဦးဒဏ္ရာမ်ားျဖင့္ လဲက် ေနေၾကာင္း သတင္းအရ ရပ္ကြက္အုပ္ခ်ဳပ္ေရးမႉး ဦးရဲေမာင္ေမာင္ျမင့္က သြားေရာက္စစ္ေဆးခဲ့သည္။

အဆိုပါေနရာတြင္ အမ်ိဳးသားတစ္ဦး ေခါင္းငယ္ထိပ္ ေသြးထြက္ နာက်င္ဒဏ္ရာျဖင့္ လဲက်ေနသည္ကို ေတြ႕ရသျဖင့္ ေဝါျပည္သူ႔ေဆး႐ုံသို႔ ပို႔အပ္ခဲ့သည္။

ရဲတပ္ဖြဲ႕၏ စုံစမ္းခ်က္အရ ဒဏ္ရာရရွိသူ အမ်ိဳးသားမွာ ကန္ေတာ္ရပ္ကြက္ေန မေအးေအးသိန္း (၃၅) ႏွစ္၏ ေနအိမ္ေပၚသို႔ တက္ေရာက္ၿပီး မေအးေအးသိန္းကို ကာယိေျႏၵပ်က္ျပားေအာင္ ျပဳလုပ္သျဖင့္ ယင္းအမ်ိဳးသမီးက ေနအိမ္အတြင္းရွိ အရွည္သုံးေပခန႔္ လုံးပတ္၂ လက္မခြဲခန႔္ အ႐ြယ္ ဝါးလုံးပိုင္းျဖင့္ ႐ိုက္ခဲ့ျခင္းျဖစ္ေၾကာင္း စစ္ေဆးေပၚေပါက္ခဲ့သည္။

ထိုသို႔ ႐ိုက္ႏွက္ၿပီးေနာက္ ၎အမ်ိဳးသားမွာ ထြက္ေျပးသြားခဲ့ေၾကာင္း အဆိုပါရပ္ကြက္ေန အသက္ ၄၅ ႏွစ္အ႐ြယ္ အမ်ိဳးသမီး၏ ေျပာျပခ်က္အရ သိရွိရေသာေၾကာင့္ မေအးေအးသိန္းကို အေရးယူေပးရန္ တိုင္ၾကားခဲ့သည္။

ေဝါၿမိဳ႕မရဲစခန္းက (ပ) ၁၁၆/၂၀၂၀၊ ရာဇသတ္ႀကီး ပုဒ္မ ၃၂၅ အရ အမႈဖြင့္ အေရးယူခဲ့သည္။

Source – ျမန္မာတိုင္းမ္

Post a Comment

Previous Post Next Post