ယနေ့မေ ၃၀ ရက်နေ့တွင် ကလေးဝမြို့နယ်၌ ဆီဘောက်ဆာကားကြီး ဖြတ်သန်းမောင်းနှင်စဉ် တံတားကျိုးကျမှု ဖြစ်ပွားခဲ့ကြောင်း ကလေးဝမြို့နယ် အုပ်ချုပ်ရေးမှူးဦးဇော်လင်းထံမှ သိရသည်။


“ဆီဘောက်ဆာကားက မော်လိုက်မြို့ကို ဆီသွားပို့တာပါ။ လိပ်ပုပ်ချောင်းတံတားကို ဖြတ်သန်းရာမှာ တံတားကျိုးကျတယ်။ ဘေလီတံတားရော၊ ကားရောပြုတ်ကျသွားတယ်။ ယာဉ်တန်ချိန်နဲ့ မနိုင်လို့ပြုတ်ကျတယ်လို့ထင်တယ်။ တံတားကတည့်တည့်ပြုတ်ကျတာ။ ဆီတွေပါတယ်။ ဒါပေမယ့်ပေါက်ကွဲမှုမဖြစ်ဘူး” ဟု ဦးဇော်လင်းက ပြောသည်။


ဆီဘောက်ဆာကားကြီးသည် ကလေးဝမြို့မှမော်လိုက်မြို့သို့သွားစဉ် ကလေးဝမြို့နယ် ကလေးဝ-မော်လိုက်ကားလမ်း လိပ်ပုပ်ချောင်းတံတားပေါ် ဖြတ်သန်းစဉ် တံတားကျိုးမှုဖြစ်ပွားခဲ့ခြင်းဖြစ်သည်။



တံတားကျိုးကျပြီး ကားပြုတ်ကျမှုကြောင့် ယာဉ်မောင်းနှင့် ယာဉ်နောက်လိုက်တို့ ထိခိုက်ဒဏ်ရာများရရှိခဲ့သည့်အတွက် ကလေးဝမြို့ပြည်သူ့ဆေးရုံသို့ ပို့ဆောင်ထားကြောင်း သိရသည်။



အဆိုပါဖြစ်စဉ်နှင့်ပတ်သက်၍ မစိန်နယ်မြေရဲစခန်းက အရေးယူဆောင်ရွက်ထားသည်။

Post a Comment

Previous Post Next Post