(Zawgyi)


ျပည္ပမွတင္သြင္းလာသည့္လူစီးယာဥ္မ်ားကို ၾသဂုတ္ ၁ ရက္မွစ၍ အင္ဂ်င္ပါဝါအလိုက္ အခြန္မ်ား ေျဖေလွ်ာ့ေပးလိုက္ရာ အျမင့္ကားေစ်းမ်ား က်ပ္သိန္း ၂၀ မွ ၁၀၀အထိ ေစ်းႏႉန္းက်ဆင္းလာႏိုင္ေၾကာင္း ကားေစ်းကြက္ကြၽမ္းက်င္သူမ်ားက ယေန႔ၾသဂုတ္ ၂ ရက္တြင္ သုံးသပ္ေျပာၾကားသည္။ ျပည္ပမွတင္သြင္း​ၿပီး အခြန္ေကာက္ခံလ်က္ရွိသည့္ လူစီးယာဥ္မ်ားကို အခြန္ေျဖေလွ်ာ့ေပး၍ ဥေရာပႏိုင္ငံမွ တင္သြင္းထားသည့္ က်ပ္သိန္း ၅၀၀ အထက္ကားမ်ားႏွင့္ ျပည္တြင္းတြင္ေရာင္းခ်လ်က္ရွိသည့္ တန္ဖိုးႀကီး အျမင့္ကားေစ်းႏႈန္းမ်ား က်ဆင္းလာႏိုင္ကာ ျပည္တြင္းထုတ္ SKD ကားမ်ားလည္း ေစ်းႏႈန္းလိုက္ပါက်ဆင္းလာႏိုင္ေၾကာင္း သိရသည္။



“ၾသဂုတ္လ ၁ရက္ေန႔ကေန ျပည္ပကတင္သြင္းတဲ့ကားေတြကို Custom Duty ၁၀ ရာခိုင္ႏႉန္းအထိ ေလွ်ာ့ခ်ေပးလိုက္ေတာ့ ကားေတြအားလုံးေစ်းေတြ အထိုက္အေလွ်ာက္က်လာမွာေသခ်ာတယ္။ ကားေစ်းေတြက ၅ ရာခိုင္ႏႈန္းေလာက္က်လာႏိုင္တယ္။ အရင္က သိန္း ၅၀၀ က်မယ့္ကားေတြက အခုအခြန္ေလွ်ာ့ေပးလိုက္ေတာ့ သိန္း ၄၇၀ ေလာက္ျဖစ္သြားမယ္။ CIF အရမ္းမ်ားတယ္ အင္ဂ်င္ပါဝါ ႀကီးတဲ့ကားေတြကေတာ့ သိန္း ၅၀ ကေန ၁၀၀ ေလာက္အထိပိုထိႏိုင္တယ္။တန္ဖိုးႀကီး အျမင့္ကားေတြ သိန္း ၂၀ ကေန သိန္း ၁၀၀ အထိ ေစ်းက်လာႏိုင္တယ္။ အျမင့္ကားေတြေစ်းက်လာရင္ ေအာက္ကားေစ်းကေတာ့ အနည္းငယ္လိုက္က်ႏိုင္တာေပါ့။ SKD ကားေတြလည္း ကားေစ်းအားလုံးက်ရင္ တင္းခံ​ၿပီးေရာင္းဖို႔ဆိုတာ မလြယ္ေလာက္ဘူး။ အလိုက္အထိုက္ ေစ်းေတြခ်ေပးရတယ္။ ဒါကေစ်းကြက္သေဘာပဲေလ “ဟုျပည္ပမွ ေမာ္ေတာ္ယာဥ္တင္သြင္းေရာင္းခ်ေနသူ ကိုေက်ာ္စြာက ျမန္မာတိုင္းမ္သို႔ ေျပာသည္။


” အခြန္ေလွ်ာ့လိုက္လို႔ ကားေစ်းေတြက်ဆင္းသြားမွာကအေသအခ်ာဘဲ။ တန္ဖိုးႀကီးတဲ့ကားက ေစ်းပိုက်ႏိုင္တယ္။ အခုမွ ျပည္ပကမွာယူေနတဲ့ကားေတြက အခြန္ေလွ်ာ့တဲ့အထဲ ပါမယ္။ဆိပ္ကမ္းေရာက္ၿပီးသား Custom Duty ေဆာင္ၿပီးသားကားေတြကေတာ့ အခြန္ေလွ်ာ့တာမပါႏိုင္ဘူး။ SKD ကားေတြကလည္း ဒီအတိုင္းပဲ ၾသဂုတ္လေနာက္ပိုင္းမွ ေရာက္မယ့္ကားေတြက ေစ်းတစ္ခုအထိ ေလွ်ာ့လာႏိုင္တယ္။ အရင္အခြန္မေလွ်ာ့တဲ့အခြန္နဲ႔ SKD ကားေတြႀကိဳမွာထားတဲ့သူေတြ ဆို ျပသာနာျဖစ္ႏိုင္တယ္။ SKD က အခြန္ ၀ ရာခိုင္ႏႈန္းျဖစ္တဲ့ကားဆို ျပႆနာမရွိဘူး။ ၁၀ ရာခိုင္ႏႈန္း ေဆာင္ေနတဲ့ကားဆို ကား၀ယ္တဲ့သူနဲ႔ စကားေျပာစရာေတြျဖစ္လာမယ္။ အမွန္က အခြန္ဘယ္ေလာက္ေလွ်ာ့မယ္ဆိုတာ ႀကိဳတင္ေၾကညာေပးသင့္ပါတယ္။ အခုက ျဗဳန္းစားႀကီး ဆိုေတာ့ အဆင္မေျပဘူးေပါ့။”ဟု ျပည္တြင္းထုတ္ SKD စနစ္ျဖင့္ Dealer ယူေရာင္းခ်ေနသူ ဦးစိုင္းက ၾသဂုတ္ ၂ ရက္တြင္ ျမန္မာတိုင္းမ္သို႔ ​ေျပာသည္။


အခြန္မ်ားေလွ်ာ့ေပးရာတြင္ အင္ဂ်င္ပါဝါ ၂၀၀၀ စီစီႏွင့္ေအာက္ကို လက္ရွိ အေကာက္ခြန္ႏႈန္း ၃၀ ရာခိုင္ႏႈန္းမွ ၂၀ ရာခိုင္ႏႈန္းသို႔လည္းေကာင္း၊ အင္ဂ်င္ပါဝါ ၂၀၀၀ စီစီႏွင့္အထက္ကို လက္ရွိ အေကာက္ခြန္ႏႈန္း ၄၀ ရာခိုင္ႏႈန္းမွ ၃၀ ရာခိုင္ႏႈန္းသို႔လည္းေကာင္း၊ ျပည္တြင္းတြင္တပ္ဆင္ထုတ္လုပ္ေနသည့္ SKD စနစ္ျဖင့္တင္သြင္းလာေသာ ၂၀၀၀ စီစီႏွင့္ေအာက္ ေမာ္ေတာ္ယာဥ္မ်ားအတြက္ လက္ရွိ အေကာက္ခြန္ႏႈန္း၁၀ ရာခိုင္ႏႈန္းမွ ၀ ရာခိုင္ႏႈန္းသို႔လည္းေကာင္း၊ SKD စနစ္ျဖင့္တင္သြင္းလာ ၂၀၀၁ စီစီႏွင့္အထက္ ေမာ္ေတာ္ယာဥ္မ်ားအတြက္ လက္ရွိ အေကာက္ခြန္ႏႈန္း ၂၀ ရာခိုင္ႏႈန္းမွ ၅ ရာခိုင္ႏႈန္းသို႔လည္းေကာင္း ၾသဂုတ္လ ၁ရက္မွစ၍ ေျဖေလွ်ာ့ေပးသြားမည္ျဖစ္ေၾကာင္း အသိေပးေၾကညာထားသည္။

ျမန္မာတိုင္းမ္

(Unicode)

ပြည်ပမှတင်သွင်းလာသည့်လူစီးယာဉ်များကို သြဂုတ် ၁ ရက်မှစ၍ အင်ဂျင်ပါဝါအလိုက် အခွန်များ ဖြေလျှော့ပေးလိုက်ရာ အမြင့်ကားဈေးများ ကျပ်သိန်း ၂၀ မှ ၁၀၀အထိ ဈေးနှူန်းကျဆင်းလာနိုင်ကြောင်း ကားဈေးကွက်ကျွမ်းကျင်သူများက ယနေ့သြဂုတ် ၂ ရက်တွင် သုံးသပ်ပြောကြားသည်။ ပြည်ပမှတင်သွင်းပြီး အခွန်ကောက်ခံလျက်ရှိသည့် လူစီးယာဉ်များကို အခွန်ဖြေလျှော့ပေး၍ ဥရောပနိုင်ငံမှ တင်သွင်းထားသည့် ကျပ်သိန်း ၅၀၀ အထက်ကားများနှင့် ပြည်တွင်းတွင်ရောင်းချလျက်ရှိသည့် တန်ဖိုးကြီး အမြင့်ကားဈေးနှုန်းများ ကျဆင်းလာနိုင်ကာ ပြည်တွင်းထုတ် SKD ကားများလည်း ဈေးနှုန်းလိုက်ပါကျဆင်းလာနိုင်ကြောင်း သိရသည်။

“သြဂုတ်လ ၁ရက်နေ့ကနေ ပြည်ပကတင်သွင်းတဲ့ကားတွေကို Custom Duty ၁၀ ရာခိုင်နှူန်းအထိ လျှော့ချပေးလိုက်တော့ ကားတွေအားလုံးဈေးတွေ အထိုက်အလျှောက်ကျလာမှာသေချာတယ်။ ကားဈေးတွေက ၅ ရာခိုင်နှုန်းလောက်ကျလာနိုင်တယ်။ အရင်က သိန်း ၅၀၀ ကျမယ့်ကားတွေက အခုအခွန်လျှော့ပေးလိုက်တော့ သိန်း ၄၇၀ လောက်ဖြစ်သွားမယ်။ CIF အရမ်းများတယ် အင်ဂျင်ပါဝါ ကြီးတဲ့ကားတွေကတော့ သိန်း ၅၀ ကနေ ၁၀၀ လောက်အထိပိုထိနိုင်တယ်။တန်ဖိုးကြီး အမြင့်ကားတွေ သိန်း ၂၀ ကနေ သိန်း ၁၀၀ အထိ ဈေးကျလာနိုင်တယ်။ အမြင့်ကားတွေဈေးကျလာရင် အောက်ကားဈေးကတော့ အနည်းငယ်လိုက်ကျနိုင်တာပေါ့။ SKD ကားတွေလည်း ကားဈေးအားလုံးကျရင် တင်းခံပြီးရောင်းဖို့ဆိုတာ မလွယ်လောက်ဘူး။ အလိုက်အထိုက် ဈေးတွေချပေးရတယ်။ ဒါကဈေးကွက်သဘောပဲလေ “ဟုပြည်ပမှ မော်တော်ယာဉ်တင်သွင်းရောင်းချနေသူ ကိုကျော်စွာက မြန်မာတိုင်းမ်သို့ ပြောသည်။

” အခွန်လျှော့လိုက်လို့ ကားဈေးတွေကျဆင်းသွားမှာကအသေအချာဘဲ။ တန်ဖိုးကြီးတဲ့ကားက ဈေးပိုကျနိုင်တယ်။ အခုမှ ပြည်ပကမှာယူနေတဲ့ကားတွေက အခွန်လျှော့တဲ့အထဲ ပါမယ်။ဆိပ်ကမ်းရောက်ပြီးသား Custom Duty ဆောင်ပြီးသားကားတွေကတော့ အခွန်လျှော့တာမပါနိုင်ဘူး။ SKD ကားတွေကလည်း ဒီအတိုင်းပဲ သြဂုတ်လနောက်ပိုင်းမှ ရောက်မယ့်ကားတွေက ဈေးတစ်ခုအထိ လျှော့လာနိုင်တယ်။ အရင်အခွန်မလျှော့တဲ့အခွန်နဲ့ SKD ကားတွေကြိုမှာထားတဲ့သူတွေ ဆို ပြသာနာဖြစ်နိုင်တယ်။ SKD က အခွန် ၀ ရာခိုင်နှုန်းဖြစ်တဲ့ကားဆို ပြဿနာမရှိဘူး။ ၁၀ ရာခိုင်နှုန်း ဆောင်နေတဲ့ကားဆို ကားဝယ်တဲ့သူနဲ့ စကားပြောစရာတွေဖြစ်လာမယ်။ အမှန်က အခွန်ဘယ်လောက်လျှော့မယ်ဆိုတာ ကြိုတင်ကြေညာပေးသင့်ပါတယ်။ အခုက ဗြုန်းစားကြီး ဆိုတော့ အဆင်မပြေဘူးပေါ့။”ဟု ပြည်တွင်းထုတ် SKD စနစ်ဖြင့် Dealer ယူရောင်းချနေသူ ဦးစိုင်းက သြဂုတ် ၂ ရက်တွင် မြန်မာတိုင်းမ်သို့ ပြောသည်။


အခွန်များလျှော့ပေးရာတွင် အင်ဂျင်ပါဝါ ၂၀၀၀ စီစီနှင့်အောက်ကို လက်ရှိ အကောက်ခွန်နှုန်း ၃၀ ရာခိုင်နှုန်းမှ ၂၀ ရာခိုင်နှုန်းသို့လည်းကောင်း၊ အင်ဂျင်ပါဝါ ၂၀၀၀ စီစီနှင့်အထက်ကို လက်ရှိ အကောက်ခွန်နှုန်း ၄၀ ရာခိုင်နှုန်းမှ ၃၀ ရာခိုင်နှုန်းသို့လည်းကောင်း၊ ပြည်တွင်းတွင်တပ်ဆင်ထုတ်လုပ်နေသည့် SKD စနစ်ဖြင့်တင်သွင်းလာသော ၂၀၀၀ စီစီနှင့်အောက် မော်တော်ယာဉ်များအတွက် လက်ရှိ အကောက်ခွန်နှုန်း၁၀ ရာခိုင်နှုန်းမှ ၀ ရာခိုင်နှုန်းသို့လည်းကောင်း၊ SKD စနစ်ဖြင့်တင်သွင်းလာ ၂၀၀၁ စီစီနှင့်အထက် မော်တော်ယာဉ်များအတွက် လက်ရှိ အကောက်ခွန်နှုန်း ၂၀ ရာခိုင်နှုန်းမှ ၅ ရာခိုင်နှုန်းသို့လည်းကောင်း သြဂုတ်လ ၁ရက်မှစ၍ ဖြေလျှော့ပေးသွားမည်ဖြစ်ကြောင်း အသိပေးကြေညာထားသည်။

မြန်မာတိုင်းမ်

Post a Comment

Previous Post Next Post