(Zawgyi)


ဇူလိုင္လ ဒုတိယပတ္အတြင္း COVID-19 ကူးစက္ခံရၿပီး ေဆး႐ုံတက္ေရာက္ခဲ့ရပါတယ္။ေဘာလိဝုဒ္စတား မင္းသားႀကီး အမီတာဘခ်န္းဟာ COVID-19 ကုသမႈခံယူခဲ့ၿပီးေနာက္ ျပန္လည္သက္သာလာခဲ့ကာ ေဆး႐ုံမွဆင္းခဲ့ၿပီလို႔ သိရပါတယ္။အသက္ ၇၇၇ ႏွစ္အ႐ြယ္ မင္းသားႀကီးဘခ်န္းနဲ႔ ၎ရဲ႕သားျဖစ္သူ မင္းသား အဘီရွက္ဘခ်န္းတို႔ဟာ ၿပီးခဲ့တဲ့ ဇူလိုင္လ ဒုတိယပတ္အတြင္း COVID-19 ကူးစက္ခံရေၾကာင္း စစ္ေဆးေတြ႕ရွိရတာေၾကာင့္ ေဆး႐ုံတက္ေရာက္ခဲ့ရပါတယ္။



ယေန႔ (ဩဂုတ္ ၂ ရက္) မွာေတာ့ ၎ထံမွာ COVID-19 မရွိေတာ့ေၾကာင္း စစ္ေဆးမႈအေျဖထြက္ခဲ့ၿပီးေနာက္ ေဆး႐ုံမွဆင္းခဲ့ၿပီလို႔ မင္းသားႀကီးဘခ်န္းက ေျပာပါတယ္။၎အတြက္ ဆုေတာင္းေပးၾကတဲ့ ပရိသတ္မ်ားနဲ႔ တက္ေရာက္ကုသမႈခံယူခဲ့တဲ့ မြမ္ဘိုင္းၿမိဳ႕ရွိ Nanavati ေဆး႐ုံမွ ဝန္ထမ္းမ်ားရဲ႕ အေကာင္းဆုံး ျပဳစုေစာင့္ေရွာက္မႈအတြက္ မင္းသားႀကီးက ေက်းဇူးတင္ခဲ့ပါတယ္။ ဘခ်န္းရဲ႕သားျဖစ္သူ အသက္ ၄၄ ႏွစ္အ႐ြယ္ မင္းသား အဘီရွက္ကေတာ့ COVID-19 စစ္ေဆးေတြ႕ရွိရဆဲျဖစ္ၿပီး ေဆး႐ုံမွာ ဆက္လက္ကုသမႈခံယူေနပါတယ္။



မင္းသားႀကီးဘခ်န္းရဲ႕ ေခြၽးမနဲ႔ ေျမးမျဖစ္သူ (အဘီရွက္ရဲ႕ ဇနီးနဲ႔သမီး) တို႔လည္း COVID-19 ကူးစက္ခံခဲ့ရၿပီး ေဆး႐ုံတက္ကုသမႈ ခံယူခဲ့ရပါတယ္။ မင္းသားအဘီရွက္ရဲ႕ ဇနီးျဖစ္သူ ကမာၻ႔အလွမယ္ေဟာင္းနဲ႔ ေဘာလိဝုဒ္စတား မင္းသမီး အသက္ ၄၆ ႏွစ္အ႐ြယ္ အက္ရွ္ဝါရာ႐ိုင္းဘခ်န္းနဲ႔ သမီး Aaradhya တို႔ကေတာ့ ဇူလိုင္လကုန္ပိုင္းမွာ COVID-19 မေတြ႕ရေတာ့ဘဲ ေဆး႐ုံမွဆင္းကာ ေနအိမ္မွာ အသြားအလာကန႔္သတ္ ေနထိုင္လ်က္ရွိတယ္လို႔ ဆိုပါတယ္။မင္းသားႀကီးဘခ်န္းဟာလည္း ေဆး႐ုံမွဆင္းၿပီးေနာက္ ေနအိမ္မွာပင္ ဆက္လက္ ေနထိုင္ေနမွာျဖစ္ပါတယ္။ ဘခ်န္းဟာ ႐ုပ္ရွင္နယ္ပယ္ကို ၁၉၆၉ ခုႏွစ္မွာ စတင္ေျခခ်ခဲ့ၿပီး ဇာတ္ကားေပါင္း ၂၀၀ ေက်ာ္ ႐ိုက္ကူးခဲ့ပါတယ္။ ဘခ်န္းဟာ Zanjeer နဲ႔ Sholay ဇာတ္ကားမ်ားနဲ႔အတူ ပရိသတ္မ်ားၾကား အႀကီးအက်ယ္ အားေပးမႈရခဲ့ၿပီး အိႏၵိယ၊ ေတာင္အာရွေဒသနဲ႔ အိႏၵိယလူမ်ိဳးမ်ား ေ႐ႊ႕ေျပာင္းအေျခခ် ေနထိုင္ၾကတဲ့ ျဗတိန္အပါအဝင္ ႏိုင္ငံေတြမွာပါ ေက်ာ္ၾကားခဲ့ပါတယ္။



မင္းသားႀကီးဘခ်န္းဟာ ၁၉၇၀ ျပည့္လြန္ႏွစ္မ်ားမွာ ေအာင္ျမင္ေက်ာ္ၾကားလာခဲ့ၿပီး ႐ုပ္ရွင္နဲ႔ပတ္သက္တဲ့ ထူးခြၽန္ဆု ၁၉ ခုထက္မနည္း ရရွိခဲ့ပါတယ္။ ဒါ့အျပင္ ျပင္သစ္ႏိုင္ငံကလည္း ဘခ်န္းကို ႐ုပ္ရွင္လုပ္ငန္းမွာ ၎ရဲ႕ပါဝင္ေဆာင္႐ြက္မႈအတြက္ အရပ္သားမ်ားကို ေ႐ြးခ်ယ္ေပးအပ္တဲ့ အျမင့္ဆုံး ဂုဏ္ထူးေဆာင္ဆု ‘ Legion of Honour’ ဆု ခ်ီးျမႇင့္ခဲ့ေၾကာင္း သိရပါတယ္။ အိႏၵိယမွာ လတ္တေလာ COVID-19 ကူးစက္မႈေတြ ျမင့္တက္ေနၿပီး ကမာၻတစ္ဝန္း တတိယေျမာက္ ကူးစက္မႈအမ်ားဆုံး ႏိုင္ငံျဖစ္ပါတယ္။



လက္ရွိအခ်ိန္အထိ အိႏၵိယမွာ ကူးစက္ခံရသူ ၁.၇ သန္းေက်ာ္နဲ႔ ေသဆုံးသူ ၃၇,၀၀၀ ေက်ာ္ရွိခဲ့ပါတယ္။ အိႏၵိယရဲ႕ စီးပြားေရးၿမိဳ႕ေတာ္ မြမ္ဘိုင္းၿမိဳ႕ဟာ ကူးစက္မႈျဖစ္ပြားမႈ အဆိုးဆုံးေနရာ ျဖစ္ပါတယ္။ သို႔ေသာ္ အင္ဒရာပရာဒက္ရွ္၊ တီလန္ဂါနာနဲ႔ အာဆမ္တို႔မွာလည္း ကူးစက္မႈေတြ လ်င္ျမန္စြာ ျမင့္တက္ေနတယ္လို႔ ဆိုပါတယ္။ ထိုအေတာအတြင္း အိႏၵိယျပည္ထဲေရးဝန္ႀကီး Amit Shah ဟာ COVID-19 ကူးစက္ခံခဲ့ရၿပီး ဆရာဝန္ေတြရဲ႕ အႀကဳံေပးမႈအရ ေဆး႐ုံတက္ကုသမႈခံယူေနေၾကာင္း သိရပါတယ္။


(Unicode)

ဇူလိုင်လ ဒုတိယပတ်အတွင်း COVID-19 ကူးစက်ခံရပြီး ဆေးရုံတက်ရောက်ခဲ့ရပါတယ်။ဘောလိဝုဒ်စတား မင်းသားကြီး အမီတာဘချန်းဟာ COVID-19 ကုသမှုခံယူခဲ့ပြီးနောက် ပြန်လည်သက်သာလာခဲ့ကာ ဆေးရုံမှဆင်းခဲ့ပြီလို့ သိရပါတယ်။အသက် ၇၇၇ နှစ်အရွယ် မင်းသားကြီးဘချန်းနဲ့ ၎င်းရဲ့သားဖြစ်သူ မင်းသား အဘီရှက်ဘချန်းတို့ဟာ ပြီးခဲ့တဲ့ ဇူလိုင်လ ဒုတိယပတ်အတွင်း COVID-19 ကူးစက်ခံရကြောင်း စစ်ဆေးတွေ့ရှိရတာကြောင့် ဆေးရုံတက်ရောက်ခဲ့ရပါတယ်။



ယနေ့ (ဩဂုတ် ၂ ရက်) မှာတော့ ၎င်းထံမှာ COVID-19 မရှိတော့ကြောင်း စစ်ဆေးမှုအဖြေထွက်ခဲ့ပြီးနောက် ဆေးရုံမှဆင်းခဲ့ပြီလို့ မင်းသားကြီးဘချန်းက ပြောပါတယ်။၎င်းအတွက် ဆုတောင်းပေးကြတဲ့ ပရိသတ်များနဲ့ တက်ရောက်ကုသမှုခံယူခဲ့တဲ့ မွမ်ဘိုင်းမြို့ရှိ Nanavati ဆေးရုံမှ ဝန်ထမ်းများရဲ့ အကောင်းဆုံး ပြုစုစောင့်ရှောက်မှုအတွက် မင်းသားကြီးက ကျေးဇူးတင်ခဲ့ပါတယ်။ ဘချန်းရဲ့သားဖြစ်သူ အသက် ၄၄ နှစ်အရွယ် မင်းသား အဘီရှက်ကတော့ COVID-19 စစ်ဆေးတွေ့ရှိရဆဲဖြစ်ပြီး ဆေးရုံမှာ ဆက်လက်ကုသမှုခံယူနေပါတယ်။



မင်းသားကြီးဘချန်းရဲ့ ချွေးမနဲ့ မြေးမဖြစ်သူ (အဘီရှက်ရဲ့ ဇနီးနဲ့သမီး) တို့လည်း COVID-19 ကူးစက်ခံခဲ့ရပြီး ဆေးရုံတက်ကုသမှု ခံယူခဲ့ရပါတယ်။ မင်းသားအဘီရှက်ရဲ့ ဇနီးဖြစ်သူ ကမ္ဘာ့အလှမယ်ဟောင်းနဲ့ ဘောလိဝုဒ်စတား မင်းသမီး အသက် ၄၆ နှစ်အရွယ် အက်ရှ်ဝါရာရိုင်းဘချန်းနဲ့ သမီး Aaradhya တို့ကတော့ ဇူလိုင်လကုန်ပိုင်းမှာ COVID-19 မတွေ့ရတော့ဘဲ ဆေးရုံမှဆင်းကာ နေအိမ်မှာ အသွားအလာကန့်သတ် နေထိုင်လျက်ရှိတယ်လို့ ဆိုပါတယ်။မင်းသားကြီးဘချန်းဟာလည်း ဆေးရုံမှဆင်းပြီးနောက် နေအိမ်မှာပင် ဆက်လက် နေထိုင်နေမှာဖြစ်ပါတယ်။ ဘချန်းဟာ ရုပ်ရှင်နယ်ပယ်ကို ၁၉၆၉ ခုနှစ်မှာ စတင်ခြေချခဲ့ပြီး ဇာတ်ကားပေါင်း ၂၀၀ ကျော် ရိုက်ကူးခဲ့ပါတယ်။ ဘချန်းဟာ Zanjeer နဲ့ Sholay ဇာတ်ကားများနဲ့အတူ ပရိသတ်များကြား အကြီးအကျယ် အားပေးမှုရခဲ့ပြီး အိန္ဒိယ၊ တောင်အာရှဒေသနဲ့ အိန္ဒိယလူမျိုးများ ရွှေ့ပြောင်းအခြေချ နေထိုင်ကြတဲ့ ဗြတိန်အပါအဝင် နိုင်ငံတွေမှာပါ ကျော်ကြားခဲ့ပါတယ်။



မင်းသားကြီးဘချန်းဟာ ၁၉၇၀ ပြည့်လွန်နှစ်များမှာ အောင်မြင်ကျော်ကြားလာခဲ့ပြီး ရုပ်ရှင်နဲ့ပတ်သက်တဲ့ ထူးချွန်ဆု ၁၉ ခုထက်မနည်း ရရှိခဲ့ပါတယ်။ ဒါ့အပြင် ပြင်သစ်နိုင်ငံကလည်း ဘချန်းကို ရုပ်ရှင်လုပ်ငန်းမှာ ၎င်းရဲ့ပါဝင်ဆောင်ရွက်မှုအတွက် အရပ်သားများကို ရွေးချယ်ပေးအပ်တဲ့ အမြင့်ဆုံး ဂုဏ်ထူးဆောင်ဆု ‘ Legion of Honour’ ဆု ချီးမြှင့်ခဲ့ကြောင်း သိရပါတယ်။ အိန္ဒိယမှာ လတ်တလော COVID-19 ကူးစက်မှုတွေ မြင့်တက်နေပြီး ကမ္ဘာတစ်ဝန်း တတိယမြောက် ကူးစက်မှုအများဆုံး နိုင်ငံဖြစ်ပါတယ်။



လက်ရှိအချိန်အထိ အိန္ဒိယမှာ ကူးစက်ခံရသူ ၁.၇ သန်းကျော်နဲ့ သေဆုံးသူ ၃၇,၀၀၀ ကျော်ရှိခဲ့ပါတယ်။ အိန္ဒိယရဲ့ စီးပွားရေးမြို့တော် မွမ်ဘိုင်းမြို့ဟာ ကူးစက်မှုဖြစ်ပွားမှု အဆိုးဆုံးနေရာ ဖြစ်ပါတယ်။ သို့သော် အင်ဒရာပရာဒက်ရှ်၊ တီလန်ဂါနာနဲ့ အာဆမ်တို့မှာလည်း ကူးစက်မှုတွေ လျင်မြန်စွာ မြင့်တက်နေတယ်လို့ ဆိုပါတယ်။ ထိုအတောအတွင်း အိန္ဒိယပြည်ထဲရေးဝန်ကြီး Amit Shah ဟာ COVID-19 ကူးစက်ခံခဲ့ရပြီး ဆရာဝန်တွေရဲ့ အကြုံပေးမှုအရ ဆေးရုံတက်ကုသမှုခံယူနေကြောင်း သိရပါတယ်။



Post a Comment

Previous Post Next Post